NYALANDU KIKAANGONI.

SEREKALI kuanza kumchunguza aliyekuwa Waziri wa Maliasili na Utalii wakati wa serekali ya awamu ya nne Mhe Lazaro Nyalandu endapo hakua muadilifu wakati wa madaraka yake.

Mhe Lazaro Nyalandu.

Waziri wa Mali Asili na Utalii Dkt. Hamisi Kigwangalla ameliambia Bunge leo mjini Dodoma na amelitaka jeshi la Polisi na TAKUKURU kumchunguza endapo Mhe Nyalandu alitumia vibaya madaraka yake wakati wa uongozi wake au lah.

Kigwangalla ametoa kauli hiyo alipokuwa akichangia hoja ya Mpango wa Maendeleo ya Taifa 2017/2018  na kusema kwamba, “wakati wa uongozi wake Lazaro Nyalandu aliikosesha serikali mapato ya bilioni 32 kwa kutosaini sheria ya tozo kwa hoteli za kitalii”.

Mbali na tuhuma hizo, Waziri Kigwangalla pia amesema Lazaro Nyalandu akiwa Waziri alitumia helkopta ya mwekezaji mmoja raia wa kigeni kwenye kampeni zake mwaka 2015 wakati kampuni hiyo ilikuwa ikituhumiwa kwa ujangili.

Mhe Lazaro Nyalandu ambaye alikuwa Mbunge wa Jimbo la Singida Kaskazini (CCM) alijiuzulu nafasi zake zote ikiwamo uanachama wa Chama cha Mapinduzi hivi karibuni na kwa sasa anasadikwa kujiunga na chama cha upinzani cha CHADEMA.

MWISHO.