MOYES AULA WEST HAM.

KOCHA wa zamani wa klabu ya Everton na Manchester United David Moyes, 54, raia wa Scotish ametajwa kuwa mkufunzi mpya wa klabu ya West Ham United ya Uingereza.

David Moyes, Kocha mpya West Ham United.

Moyes ambaye alikuwa hana kibarua tangu mwezi May mwaka huu baada ya kujiuzulu ukufunzi klabu ya Sunderland, anachukua nafasi ya Mkufunzi Slaven Ballic ambaye ameifundisha klabu hiyo kwa muda sasa.

Kulingana na taarifa iliyotolewa muda mfupi uliopita hivi leo na mmoja wa viongozi waandamizi wa klabu hiyo David Sullivan imesema, uongozi ulikuwa ukimuhitaji Mkufunzi mwenye vigezo vya Moyes ili kuikwamua klabu hiyo ilipo sasa.

Klabu ya West Ham United ipo katika nafasi ya 18 kwenye msimamo wa ligi ya Premier ya Uingereza na ina pointi 9 kwa sasa baada ya kushuka dimbani mara 11, na pia inayo kumbukumbu nzuri  ya kutandikwa magoli 4-1 na majogoo wa Amfield, Liverpool FC  nyumbani kwao weekend hii.

Sullivan amesema, “tunahitaji mtu mzoefu, mwenye uelewa wa kutosha na ligi ya Uingereza ya Premier na ambaye anawajuwa wachezaji vizuri hivyo tunaimani Moyes nimkufunzi sahihi atakayeweza kuitoa West Ham United hapa ilipo” alifafanua kiongozi huyo.

Slaven Ballic, Mkufunzi aliyetupiwa virago na West Ham United.

West Ham United ni moja ya klabu za ligi kuu ya Uingereza iliyokuwa ikifanya vizuri kwa kiwango cha wastani muda wote wakiwa na Mkufunzi wao huyo Slaven Ballic na hata kufanikiwa kuzisumbua baadhi ya klabu katika ligi hiyo ikiwamo Liverpool, lakini mwaka huu mambo yamewaendea kombo.

Moyes amepewa mkataba wa miezi 6 na kipimo chake cha kwanza ni hapo Novemba 19, wakati klabu yake hiyo mpya ya West Ham itakapo pepetana na klabu ya Watford mbayo kwa sasa ipo nafasi ya 9 na ina point 15 katika msimamo wa ligi hiyo.

MWISHO.