LETENI MABORESHA SEKTA YA JAMII: WAZIRI UMMY.

WATAALAM wa Maendeleo ya Jamii hapa nchini wametakiwa  kutoa  mapendekezo serekalini yatakayosaidia kuamsha ari kwa jamii kushiriki katika mambo ya maendeleo kulingana na wakati wa sasa ili kusaidia Taifa kuingia katika uchumi wa kati kupitia viwanda.

Waziri wa Afya, Maendeleo ya Jamii, Jinsia, Wazee na Watoto Mhe. Ummy A. Mwalimu(Mb) akisisitiza maafisa Maendeleo ya Jamii nchini kuamsha ari ya wananchi kushiriki katika shughuli za kimaendeleo kuelekea uchumi wa Viwanda wakati akifungua Mkutano wa wataalam wa Sekta ya Mandeleo ya Jamii unaofanyika katika ukumbi wa Chuo cha Mipango Mjini Dodoma.

 Kauli hii imetolewa leo mjini Dodoma na Waziri wa Afya, Maendeleo ya Jamii, Jinsia, Wazee na Watoto Mhe. Ummy A. Mwalimu wakati alipokuwa akifungua Mkutano Mkuu wa 12 wa Sekta ya Maendeleo ya Jamii unafoanyika katika ukumbi wa Chuo cha Mipango Dodoma. 

Waziri Ummy alisema “kupitia Mkutano huu wa Wataalam wa Maendeleo ya Jamii mnatakiwa  kutoa  mapendekezo serekalini kuhusu mbinu zinazoendana na kipindi cha sasa na bora zitakazosaidia kurudisha ari na hamasa ya jamii kushiriki katika maendeleo"

Mhe. Ummy Mwalimu amesema pia wataalam wa maendeleo ya jamii ndiyo wenye jukumu la kuhamasisha utekelezaji wa miradi ya kisekta hususan kilimo, afya, elimu, na miundo mbinu na kadhalika, ili taifa liweze kwa wepesi kufikia uchumi wa kati na wa viwanda, alifafanua zaidi.

Waziri wa Afya, Maendeleo ya Jamii, Jinsia, Wazee na Watoto Mhe. Ummy A. Mwalimu(Mb) (katikati) akijadiliana jambo na Naibu katibu Mkuu Ofisi ya Rais TAMISEMI Elimu Bw. Tikson Nzunda (kulia) mara baada ya kufungua Mkutano wa wataalam wa Sekta ya Maendeleo ya Jamii Mjini Dodoma kushoto ni Katibu Mkuu Maendeleo ya Jamii, Jinsia, Wazee na Watoto Bibi. Sihaba Nkinga.

“Wataalam wa  Maendeleo ya Jamii watumie pia fursa hii kutathmini sekata ilipofikia na pia kubainisha changamoto zilizopo ili kupata majibu ya namna bora zaidi kwani mazingira ya sasa nayoni mapya yanahitaji mtizamompya kuyakabili, alisisitiza Mhe Waziri Ummy.

Waziri Ummy amesema Kaulimbiu ya Mkutano wa Sekta ya Maendeleo ya Jamii kwa Mwaka 2017  ambayo ni  “Amsha Ari ya Ushiriki wa Wananchi Kufikia Uchumi wa Viwanda” ambapo inatoa tafakari ya jumla ya Serekali ya Awamu ya Tano chini ya Rais Dkt John Magufuli ya ujenzi wa uchumi wa Viwanda ili kufikia Uchumi wa Kati, aliongeza.

Waziri wa Afya, Maendeleo ya Jamii, Jinsia, Wazee na Watoto Mhe. Ummy A. Mwalimu(Mb) akiwa katika picha ya pamoja na watendaji wa Idara Kuu Maendeleo ya Jamii, Jinsia, Wazee na Watoto pamoja na Ofisi ya Rais TAMISEMI mara baada ya kufungua Mkutano wa wataalam wa Sekta ya Maendeleo ya Jamii Mjini Dodoma. 

Naye Katibu Mkuu Maendeleo ya Jamii, Jinsia, Wazee na Watoto Bibi. Sihaba Nkinga amesema agizohilo kupitia kwa Mhe Waziri mwenye dhamana ya sekta hii ni fursa muafaka kwa watendaji kuitumia vyema na kusaidia kuleta mabadiliko katika sekta hiyo na kuamsha hari zaidi.

Bibi Sihaba Nkinga amefafanua kuwa malengo ya Mkutano huo umezingatia  tathmini ya mchango wa Sekta ya Maendeleo ya Jamii katika kuamsha  ari na hamasa ya wananchi kushiriki na kuchangia maendeleo kwa kushirikiana na viongozi wa Sekta na Idara nyingine katika utekelezaji wa miradi ya maendeleo.

Baadhi ya Maaafisa Maendeleo ya Jamii wakisikiliza maelekezo ya Waziri wa Afya, Maendeleo ya Jamii, Jinsia, Wazee na Watoto Mhe. Ummy A. Mwalimu(Mb)(hayupo pichani) wakati wa ufunguzi wa Mkutano wa Wataalam wa Sekta ya Maendeleo ya Jamii nchini unaofanyika katika Ukumbi wa Chuo cha Mipango Dodoma.  

Naye Mkurugenzi wa Maendeleo ya Jamii Bw. Patrick Golwike amewaasa Wataalamu wa Maendeleo ya Jamii kwa kushirikiana na wadau  kutoa elimu na kuhamasisha wananchi kujitoa katika kufanya kazi za kujiletea maendeleo katika maeneo yao.

Lengo la Mkutano huo chini ya kauli mbiu yake “Amsha Ari ya Ushiriki wa Wananchi Kufikia Uchumi wa Viwanda” inalenga kusimami maendeleo na kutokomeza ukatili wa jinsia ambao kwa kikasi kikubwa unapunguza kasi ya Taifa kufikia uchumi wa viwanda. 

MWISHO.