TAFITI ZENYE UWAZI KUNUSU ELIMU NCHINI.

SEREKALI imesema itaanza kutatua changamoto zote za utoaji elimu nchini kulingana na matokeo ya tafiti husika na itawajumuisha wadau wote katika utekelezaji wake ikiwamo kuziweka tafiti hizo katika tovoti za wizara zote mbili za Elimu na Tamisemi ili ziwe wazi zaidi.

Katibu Mkuu Ofisi ya Rais Tawala za Mikoa na Serikali za Mitaa Mhandisi Mussa Iyombe akitoa hotuba wakati akifunga Mkutano wa pamoja kati ya Wadau wa Elimu, Wizara ya Elimu, Sayansi na Teknolojia na Ofisi ya Rais TAMISEMI katika ukumbi wa Hazina mjini Dodoma leo.

Kulingana na taarifa iliyotolewa mjini Dodoma jana kwenye ufungaji wa mkutano wa siku nne wa kujadili maendeleo ya sekta ya elimu nchini kuanzia utoaji elimu ya awali, msingi, sekondar, vyuo vya ufundi hadi chuo kikuu serekali ilipokea mapendekezo mbalimbali na kuyajadili.

Akitoa taarifa ya majumuisho ya maazio ya mkutano huo Naibu Katibu Mkuu Ofisi ya Rais Tawala za Mikoa na Serekali za Mitaa (TAMISEMI) anayeshughulika zaidi na Elimu, Tixon Nzunda alisema mkutano huo wa mwaka huu ulikuwa wa mafanikio zaidi kiutendaji.

Moja ya yuliyojadiliwa na kupitishwa ni pamoja na kupitia na kuidhinisha mpango wa maendeleo wa sekta ya Elimu wa miaka mitano, (ESDP - 2016/17 hadi 2020/21) ambapo umeanza kutekelezwa rasmi, Naibu Katibu Mkuu huyoamesema utalenga zaidi kutumia matokeo ya tafiti nautakuwa wazi kwa wadau wote waumma.

Akifunga mkutano huo rasmi jana katika ukumbi wa Hazina Dodoma, Katibu Mkuu wa TAMISEMI Mhandisi Musa Iyombe aliwapongeza washiriki wa mkutano huo kwa kujadili kwa kina changamoto za utoaji elimu hapa nchini na kuwataka wadau wote kuhakikisha yanafanyiwa kazi na kutekelezwa kwani yataleta mabadiliko chanya katika sekta hiyo.

Kaimu Katibu Mkuu Wizara ya Elimu, Sayansi na Teknolojia, Prof. Sylvia Temu akitoa maelezo ya awali kuhusu Mkutano wa Wadau kabla ya kumkaribisha Mgeni Rasmi ambaye ni Katibu Mkuu OR TAMISEMI wakati wa kufunga mkutano wa Wadau wa Elimu, Wizara ya Elimu, Sayansi na Teknolojia na Ofisi ya Rais TAMISEMI katika ukumbi wa Hazina mjini Dodoma leo

Kulingana na mapendekezo yaliyowasilishwa kwenye mkutano huo wakati wa ufunguzi wa mkutano huo na Mtandao wa Elimu nchini (Tanzania Education Network) walisema, wakati umefika kwa serekali kupitia wizara ya elimu kupitia na kurekebisha sera ya sasa ya elimu nchini ili iendane na wakati wa sasa wa utoaji elimu bure na kwa wote.

Mtandao huo wa mambo ya elimu nchini walibainisha kupishana kwa kwa sera iliyopo ambapo haiendani nakiwango cha rasilimali zilizopo ili kukidhi azma ya serekali ya utoaji elimu bure na kuishauri serekali kupitia mkutano huo kuangalia upya uwiano wake.

Katika taarifa ya mapendekezo hayo uliowasilishwa wakati wa ufunguzi wa mkutano na mwenyekiti wa Bodi ya Mtandao huo, John Kallage ilieleza baadhi ya mapungufu ya kisera ya sasa ambapo mpango wa utoaji elimu bure umesababisha ongezeko la wanafunzi katika mashule ingali rasilimali zilizopo ikiwamo waalimu,vyumba vya madarasa na hata huduma zmuhimumfano vyoo kubakia kama zamani.

Maelezo ya mtandao huo ulibainisha uwiano wa mwalimu mmoja kuhudimia idadi ya wanafunzi umebadilika na kuleta changamoto kubwa ambapo mwalimu mmoja kwa sasa uwiano ni 1:164 kwa utafiti wa mwaka 2016, na mwaka 2015 ulikuwa 1:99 kabla ya sera ya elimu bure kwa wote. Sera ya elimu inasema uwiano ni 1:77, lipo ongezeko la uwiano takribani zaidi ya mara mbili ya kiwango cha sera.

Changamoto nyingine iliyobainishwa ni pamoja na kuhusu ufaulu wa wanafunzi kulingana na jinsia ambapo wanafunzi wa kike tafiti zinaonyesha ufaulu wao ni mdogo kulingana na ule wa wanafunzi wa kiume.

Akitoa takwimu hizo mbele yamkutano wa ufunguzi Bw Kallage alibainisha kiwango cha ufaulu kwa wanafunzi wa kike nchini ni asilimia katika ya 5 hadi 6, ingali kwa wanafunzi wa kiume ni asilimia 12 hadi 13 takribani mara mbili zaidi, hivyo kuwakandamiza wasichana kutoka na jinsia yao.

Kallage alitaja sababu zinazochangia ufaulu mdogo kwa wanafunzi wa kike ni pamoja na kutohudhuria masomo shuleni au darasani kwa siku kati ya 40 hadi 45 kwa mwaka kutokana na kuwa katika kipindi cha wanawake kuwa katika hedhi.

Wizara ya Elimu pamoja na wadau wote husika wameshauriwa kuangalia njia ya kutatua tatizo hili la ufaulu kwa wanafunzi wa kike ambapo ni la kijinsia, ikiwamo kujenga na kutenga maeneomaalum ya maluwato kwa wanafunzi wa kike pamoja nakuhakikisha huduma ya maji safi na ya kutosha pamoja na taulo za kike zinakuwe mashuleni, ili kuondoa utoro na kukuza ufaulu wao.

Nae mwakilishi wa wadau wote wa maendeleo wanaoshirikiana na Tanzania katika maendeleo ya sekta ya elimu wanaotoka nje ya nchi wamefurahishwa na hatua za dhati za msingi kabisa katika kutatia changamoto za utoaji elimu nchini na kuipongeza sana sereakali.

Mwakilishi wa Wadau wote wa Maendeleo nchini Tanzania (toka Uingereza – DfID) Bi.Janeth Tanya akitoa maelezo mafupi kwa niaba ya Wadau kabla ya ufungaji wa kikao kati ya  Wadau wa Elimu, Wizara ya Elimu, Sayansi na Teknolojia na Ofisi ya Rais TAMISEMI katika ukumbi wa Hazina mjini Dodoma leo

Akitoa hotuba kwa niaba ya wadau wote wan je ya nchi wanaoshirikiana na Tanzania, Bi Janeth Tanya kutoka Uingereza alisema sasa wanaiona nia ya dhati ya serekali kukabili changamoto zilizopo.

Bi Janeth ambaye aliongea kwa kutumia lugha zote mbili za Kiswahili na kiingereza katika hotuba yake alisema, “wadau wa maendeleo wanaoshirikiana na Tanzania, wamefarijika sana kwa hatua ya serekali kuandaa mpango wa miaka mitano wa maendeleo ya sekta ya elimu (ESDP)unaojumuisha wadau wote na kufuata majibu ya tafiti na kuupongeza.

Bi Janeth alifafanua pia zaidi kwamba suala la mimba za utotoni pamoja na baadhi ya jamii hapa nchini kulazimisha ndoa za utotoni ni ni changamotoiliyokuwa ikirudisha maendeleo ya jamii nyuma na kuongeza kusema kwamba lazima tabia hizo zipigwe vita kwa nguvu zote ili kumkomboa mtoto wa kike.

Mkutano huo uliokuwa wa siku nne uliazimia pamoja na mambo mengi kuweka wazi matokeo ya tafiti za changamoto za elimu nchini, ambapo pia katika kuzikabili utajumuisha wadau wote bila ubaguzi katika kuhakikisha huduma na miundo mbinu ya elimu inaboreshwa na kuwa katikakiwango cha kutosha.

MWISHO.