WACHINA WAKUTWA NA NYARA ZA SEREKALI.

POLICE Mkoani Dodoma imewakamata raia watano wenye asili ya China wilayani Bahi mkoani Dodoma kwenye eneo kilichopo kiwanda cha kusaga Kokoto cha SANDS Industries Ltd wakiwa na nyara za serekali kinyume cha sheria siku mbili zilizopita.

Kamanda wa Polisi mkoani Dodoma Gilles Muroto akionyesha kwa waandishi wa habari (hawapo pichani) sare ya Jeshi la Wananchi wa Tanzania (JWTZ) pamoja na  beji ya cheo cha Luteni Usu iliyokuwa ikimilikiwa na mtu mmoja kinyume cha sheria mtaa wa Chang'ombe katika Manespaa ya Dodoma leo mjini Dodoma. 

Pia mtu mmoja mkazi wa Chang’ombe mkoani Dodoma amekamatwa akiwa na sare za Jeshi la Wananchi wa Tanzania (JWTZ).

Taarifa iliyotolewa na Kamanda wa Polisi wa Mkoa wa Dodoma leo, Gilles Muroto imesema nyara zilizokamatwa ni pamoja na magamba 652 na kucha tano za mnyama aina ya Kakakuona pamoja na kucha nne na jino moja la Simba.

Kamanda Muroto ameeleza pia kwamba, aliyekamatwa na sare za jeshi alimtaja kwa jina la Dotto Kapenga, mwenye umri miaka 43 na alipohojiwa kuhusu uhalali wa umiliki wa sare hizo hakua na majibu.

Katika operesheni nyingi Kamada Muroto amesema, polisi mkoani humo inawashikilia watu wengine kumi na mbili kwa kukutwa na vitu mbalimbali vya wizi kinyume cha sheria.

Amevitaja vitu hivyo vikiwemo  Televisheni kumi na tatu za ukubwa tofauti, radio mbili aina ya sabwoofer pamoja na deki ya Televisheni moja.

Pia polisi imekamata printer ya komputa moja, kang’amuzi kimoja pamoja na bangi misokoto kumi na mbili.

Kamanda Muroto ameeleza zaidi kwamba, hivi karibuni mkoani Dodoma palizuka wizi wa kutumia bodaboda na uvunjanji wa madirisha na milango ya ya nyumba za watu,huenda ndiko vitu hivyo vilikopatikana.

Amewataka watu waliopotolewa au kuibiwa vifaa vyao vya nyumbani wafike makao makuu ya polisi mkoani Dodoma kuvitambua vitu vyao.

Aidha Kamanda Muroto ametoa wito kwa raia wote kuchukua  taadhari ya watu wanaotumia sare za majeshi mbalimbali zikiwemo zile za Jeshi la Wananchi wa Tanzania (JWTZ) au za Polisi na kuwatilia mashaka, watoe taarifa hizo polisi haraka.

Alipoulizwa taarifa ya mwendelezo juu ya upelelezi kuhusu kujeruwa kwa risasi Mbunge wa Singida Mashariki Tundu Lissu, Kamanda Muroto amesema upelelezi bado unaendelea na wakiwa na taarifa mpya wataujulisha umma.

MWISHO.