WALIOJIUNGA JKT KULAMBA BINGO.

RAIS na Amri Jeshi Mkuu wa Tanzania, Dkt John Pombe Magufuli leo ametangaza kutoa kibali cha kuajiri vijana 3,000 katika JWTZ na akatoa angalizo lazima wawe ni kutokea JKT.

RAIS na Amiri Jeshi Mkuu wa majeshi ya Tanzania, Dkt John Pombe Magufuli.

Pia Rais ametunuku kamisheni mbalimbali kwa maofisa wapatao 422 wa JWTZ ambapo kati ya hao 31 ni wanawake na 390 ni wanaume.

Rais aliyasema hayo leo akiwa jijini Arusha ambapo kulifanyika maadhimisho ya kuwatunuku kamisheni maafisa hao wa jeshi la JWTZ na kurushwa moja kwa moja na baadhi ya vyombo vya habari hapa nchini.

Kulingana na taarifa fupi iliyopatikana muda huu, Rais ametunuku jumla ya shahada na Stashahada za umahiri jeshini kwa maofisa 11, Shahada 276 na Stashahada ya Juu kwa maofisa wengine 21.

Pia Rais ametunuku wahitimu watano Shahada za kawaida na wengine katika ngazi ya masomo ya elimu ya kidato cha 6, jumla yao wakiwa 109.

Aidha, ni mara ya tano kwa Rais Dkt Magufuli kutunuku kamisheni kwa maofisa wa JWTZ tangu aingie madarakani November 05, 2015, ila ni mara ya kwanza kufanya maadhimisho hayo nje ya viwanja vya jeshi mfano vya  Chuo cha Kijesha cha Monduli Arusha.

Hata hivyo, Rais Dkt Magufuli inavyoonekana amevutiwa mno na utendaji kazi mahiri wa majeshi yetu ya JWTZ na JKT kwani kazi nyingi muhimu na za dharura kwa sasa serekali imeanza kuwatumia.

Hivi majuzi juma hili wakati Rais alipokuwa akizindua barabara yenye urefu wa kilomita 26 kutoka Uwanja wa Ndege wa KIA mkoani Kilimanjaro hadi Mererani mkoani Arusha kunakochimbwa madini ya Tanzanite, Rais aliwaagiza SUMA JKT kufanya utafiti wa kujenga ukuta kuzunguka eneo lote kunakochimbwa madini hayo ili kuzibiti wizi.

Rais Dkt Magufuli anatarajiwa pia kulihutubia taifa katika maadhimisho hayo kutokea jijini Arusha hivi leo.

MWISHO.