DC DODOMA ASHINDA UCHAGUZI CCM.

MKUU wa wilaya ya Dodoma Christina Mndeme (pichani) ameibuka mshindi katika uchaguzi wa CCM ngazi ya wilaya ya Dodoma uliofanyika jana nchini kote.

Mkuu wa Wilaya ya Dodoma, Mhe Christina Mndeme

DC Mndeme ambaye alikuwa akiomba kuwa mmoja wa wawakilishi watatu wa chama hicho ngazi ya wilaya, kwenye mkutano mkuu wa taifa wa CCM, alijinyakulia jumla ya kura 579 kati ya zote 1127 zilizopigwa kihalali.

DC Mndeme amewashukuru sana wajumbe wote wa mkutano huo uliomchagua ambapo ameeleza pia kwamba atakuwa mwakilishi mzuri wa maoni ya wana CCM wenzie katika mikutano ijayo ya chama ngazi ya taifa.

DC Mndeme amefafafanua pia kwamba, CCM bado ni chama imara na jamii ya watanzania bado ina imani nacho, hivyo atashirikiana vyema na wana-CCM wengine kumsaidia Mhe Rais wa Jamhuri ambaye pia ni Mwenyekiti wa Taifa wa CCM kutekeleza vyema ilani ya CCM.

Ameongeza kwamba ushindi wake umekuja wakati mzuri ambapo yeye ni Mkuu wa Wilaya ya Dodoma hivyo atakisaidia sana chama kuhakikisha serekali inatekeleza vyema mpango wake wa kuhamia Dodoma kwa ufanisi mkubwa.

Pamoja na kuwepo  agizo la Mhe Rais wa Jamhuri Dkt John Pombe Magufuli ambaye pia ni Mwenyekiti wa Taifa wa CCM lisemalo, “cheo kimoja mtu mmoja” Mhe Ndeme ni Mkuu wa Wilaya ya Dodoma Mjini kwa hivi sasa.

Aidha, juhudi za makusudi za kumpata  msemaji wa CCM, Humfrey Polepole ili atoe ufafanuzi juu ya ushindi wa Mhe Christina Mndeme endapo unakwenda kinyume na agizo la Mhe Dkt Magufuli ama lah, simu yake ya mkononi ilikuwa ikiita tuu muda wote bila kupokelewa.

MWISHO.