JAMII IACHE KUDHALILISHA WANAWAKE.

KWENYE vyombo mbalimbali vya habari za mtandaoni hivi leo ipo taarifa kwamba yupo Mwenyekiti wa Serekali ya Mtaa wa Chang’ombe mkoani Dodoma amekuwa akigawa viwanja kwa wanawake wenye maumbile fulani tuu, (wenye makalio makubwa) huu ni udhalilishaji kwa wanawake.

Hii ni lugha ya kuudhi na tena ni kwenda kinyume kabisa na maadili ya uandishi wa habari kwa kutumia lugha zinazo udhi.

Wanawake ni kundi au jinsi iliyoumbwa na aibu, vinginevyo tungetarajia kwa muda huu wawe wameshaa paaza sauti zao kwa mamlaka husika ili kumchukulia hatua mwandishi au chombo hiki kilichotumia lugha hii ya kuudhi kwa mama au dada zetu ambapo ni kumdhalilisha mwanamke.

Hivi karibuni jijini Dar Taasisi ya Ulingo wa Wanawake ilikemea vikali lugha za udhalilishaji wanawake mitandaoni. Hapa Mjumbe wa Sekretarieti ya Taasisi hiyo Bi. Saum Rashid akisisitiza jambo kwa waandishi wa habari (hawapo pichani) wakati wakitoa karipio juu udhalilishaji wa wanawake mitandaoni. Wengine katikati ni Bi. Angelina Mutahiwa na kulia ni Bi. Dominata Rwechungura ambao pia ni wajumbe wa Sekretarieti hiyo. Mwenyekiti wa mtaa wa Chang’ombe huko mkoani Dodoma amekua akigawa viwanja kwa wanawake wenye maubile Fulani tuu, ambapo aina hii ya uandishi wa kutumia lugha zinazoudhi, ni vyema zikakemewa hata kama ni kwa lengo zuri.

Ni wazi mtoa taarifa hii alikuwa na lengo zuri la kuibua uovu unaotendeka kwenye jamii, lakini hakuweza kupata maneno mazuri na ya staa yenye kuweza kufikisha ujumbe wake huu kwa jamii?

Pamoja na wanawake kuwa pia na haki ya kumiliki au kupatiwa ardhi na kuimiliki, je kuwa na maumbile kama aliyoyataja mwandishi ni kosa?

Hebu chukulia mfano angekuwa ni mama mzazi wako, au dada yako au shangazi, ulipozaliwa ukajikuta umezaliwa na mwenye maumbile kama hayo na ameshamilikishwa kiwanja, utamkataa au kumdhalilisha kwa vile tuu ameumbwa na maumbile hayo na kumilikishwa kiwanja?

Nadhani tufike mahali turudi kwenye maadili ya uandishi inavyopasa ambapo jamii inatakiwa kuheshiamiana na kustahimiliana katika mambo yote.

Cha ajabu hapa moja ya mitando iliyo ripoti habari hiimmoja wapo ni chombo kinachoheshimika sana hapa nchini, na hatuamini kama haina wahariri waliobobea katika lugha za kiuandishi zilizo na staa.

Ni vizuri mamlaka zinazo husika zikemee na kuonya matumizi ya lugha za kuudhi na kudhalilisha kama hizi kwa lengo tuu la kufikisha ujumbe husika kwa jamii.

MWISHO.