KONGWA WAWAANDAA VIONGOZI WANAWAKE WA KESHO.

WANAFUNZI wa kike wilayani Kongwa mkoani Dodoma wameiomba jamii kutoa fursa zaidi kwao kushiriki katika masuala ya uongozi katika jamii ili wajenge uzoefu zaidi na kuwawezesha ushiriki ujenzi uchumi wa viwanda nchini kama viongozi watarajiwa.

Mwanafunzi wa kidato cha 3 Shule ya Sekondari ya St Francis ya Kongwa mkoani Dodoma Magreth Lawrent, mwenye miaka 16, akiwa ofisini akikaimu nafasi ya Mkurugenzi wa Halmashauri ya (W) Kongwa yaani DED hivi leo, akiendelea na shughuli za kikazi ilivyokawaida. Mwanafunzi huyo alikaimisha nafasi hiyo kwa siku tatu kama sehemu ya kujengewa uwezo kuwa kiongozi wa umma hapo baadae, ikiwa ni sehemu ya maadhimisho ya siku ya mtoto wa kike ulimwenguni, itakayofikia kilele hapo Octoba 11. Zoezi hilo liliratibiwa na Halshauri hiyo ikishirikiana na Shirika lisilo la kiserekali la Plan International Tanzania, mkoani Dodoma hivi leo.

Ushauri huo umetolewa na mwanafunzi wa kike wa kidato cha tatu kutoka Shule ya Sekondari ya Wasichana ya Kongwa ijulikanayo kwa jina la St Francis Secondary, Magreth Lawrence, mwenye umri wa miaka 16, wakati alipopatiwa nafasi ya kukaimu nafasi ya ukurugenzi wa Halmshauri ya wilaya ya Kongwa na kuongoza  kikao cha manejimenti ya halmashauri hiyo hivi leo.

Tukio hilo ambalo ni sehemu ya ufunguzi wa maadhimisho ya siku ya mtoto wa kike duniani yanayoadhimishwa kila mwaka October 11, liliandaliwa kwa pamoja kati ya uongozi wa Halshauri ya Kongwa  kwa kushirikiana na Shirika lisilo la kiserekali la Plan International mkoani Dodoma.

Kaimu Mkurugenzi wa Halmashauri ya (W) Kongwa ambaye pia ni mwanafunzi wa kidato cha 3, katika shule ya Sekondari ya  St Francis ya Kongwa mkoani Dodoma Magreth Lawrent akitoa hotuba yake ya ufunguzi wa mkutano wa menejimenti ya wilaya hiyo ikijumuisha wakuu wa Idara, na Vitengo ambapo yeye alikiongoza kama mwenyekiti. Aliye kushoto kwake ni Afisa Mipango wa wilaya ya Kongwa Bw Benedict Mabula ambaye pia ni katibu wa mikutano ya vikao vya menejimenti ya wilaya ya Kongwa. Tukio hilo la kukaimishwa ofisi kwa siku tatu kama Mkurugenzi (DED) ni sehemu ya maadhimisho ya siku ya mtoto wa kike ulimwenguni yatakayofikia kilele Octoba 11 mwaka huu ambapo Halmashauri hiyo kwa kushirikiana na Plan International Tanzania wamedhamiria kuwajengea uwezo viongozi vijana jinsi ya kike ili kujiandaa kuongoza ujenzi wa uchumi wa viwanda hapa nchini.

Mwanafunzi huyo ambaye alikaimu ukurugenzi wa halmashauri hiyo na kuongoza mkutano wa kawaida wa menejimenti uliowashirikisha wakuu wa Idara na vitengo vya halmashauri hiyo, kwamba endapo jamii itawapa fursa za kutoshakushiriki katika nafasi mbalimbali za uongozi hapa nchini, wataweza.

Aliwaambia pia kwamba,taifa kwa sasa linatekeleza sera ya uchumi wa viwanda na wao kama sehemu ya jamii ya kitanzania wangependa wajenge uzoefu wa uongozi ingali bado vijana ili baadae washiriki katika uongozi wa uchumi huo.

Nae Afisa Maendeleo ya Jamii wa wilaya ya Kongwa Faraja Kasuwi ameeleza kwamba, Idara yake ikishirikiana na halmashauri nzima ya Kongwa imejiwekea mpango mkakati wa kuwawezesha watoto wa kike kujijengea uwezo wa kiuongozi katika jamii kwa kuwapatia fursa mbalimbali kama hizo ili kujenga uzoefu wa uongozi.

Kaimu Mkurugenzi wa wilaya ya Kongwa, Magreth Lawrent mwenye miaka 16 (katikati) akisindikizwa kujongea katika ukumbi wa mkutano kufungua na kuongoza kikao cha menejimenti ya wilaya ya Kongwa. Wengine kushoto kwake ni Afisa Ustawi wa Jamii (W) Kongwa Faraja Kasuwi na kulia kwake ni Afisa Elimu Vifaa (W) Kongwa Selina Fundi (mwenye kitenge) hivi leo asubuhi wilayani Kongwa.

Afisa Maendeleo huyo wa jamii pia ametoa wito kwa jamii nzima hususani katika mkoa wa Dodoma kubadilika na kuwa tayari kuongozwa na viongozi vijana ambao ni wanawake kwani wanao uwezo mkubwa sawa na wenzio wa jinsi ya kiume.

Ameongeza piakwamba, wanatambua mila nyingi za kiafrika zilikuwa zikiwatenga watoto wa kike hususani kupata na kutumia fursa za masomo hadi ngazi za juu na kuwanyima haki ya kushiriki katika uongozi, lakini amesema kwamba wanaendelea kutoa elimu ya wao kubadilika na kuwa tayari kuongozwa na viongozi vijana jinsi ya kike.

Maadhimisho hayo ya siku yamtoto wa kike duniani kitaifa yanafanyika mkoani Mara na kaulimbiu ya mwaka huu ni “tokomeza mimba za utotoni, tufikie uchumi wa viwanda”.

MWISHO.