POLISI YATEMBEZA KIBANO HUKO ZANZIBAR.

JESHI la polisi  mkoa wa Mjini Magharibi limewakamata vijana wapatao 220 kwa kushukiwa kujihusisha  na vitendo mbalimbali vya kihalifu katika maeneo mbalimbali mkoa huo.

Kamanda wa Polisi Mkoa wa Mjini Mgharabi Hassan Nassir.

Akizungumza leo na waandhishi wa habari Kamanda wa Polisi wa Mkoa wa Mjini Magharibi Hassan Nassir amesema vijana hao wamekamatwa katika wilaya tofauti za mkoa huo kufuatia agizo la Mkuu wa Mkoa wa Mjini Magharibi Ayoub Muhammed Mahmoud.

Mkuu huyo wa mkoa alitoa agiza kwa vijana wapatao 336 wanaojihusisha na vitendo vya uhalifu  kujisalimisha wenyewe katika vituo vya polisi mkoani humo kupitia kwa masheha wa maeneo yao.

Kamanda Nassir amefahamisha pia kwamba vijana hao wamekamatwa kutokana na kuhusishwa na makosa mbalimbali yakiwemo  uvutaji bangi, ubakaji na uporaji mali za watu.

Kamanda huyo pia amewasihi wananchi katika maeneo yote kutoa  ushirikiano kwa polisi ili kuwabaini vijana wote wanaojihusisha na ualifu ili kutokomeza wimbi la vitendo hivyo nchini.

Hata hivyo, Kamanda Nassir amefafanua kwamba jeshi la polisi litaendelea kuchukua juhudi mbalimbali ili kuhakisha kuwa wananchi wanaishi katika hali ya amani na utulivu.

MWISHO.